Hissə - hissə ödəniş anlayışı
Azərbaycanın aparıcı texnologiya şirkəti olaraq 4Tech biznesə yeni başlayan sahibkarlar, kiçik sahibkarlıqla məşğul olan subyektlər eləcə də startup'lar üçün 4Tech-in məhsul, xidmətlərindən yararlana bilməsi üçün hissəli ödənişi təqdim edir.
Hissə - hissə ödəniş şərtləri
Hissə - hissə ödəniş təklifindən yararlanmaq üçün sahibkar və biznes subyekti və sifariş üçün aşağıdakı əsas şərtlər müəyyən olunmuşdur:
- Cari biznes Azərbaycan Respublikasının qanunvericiliyinin qadağan etmədiyi sahələrdə fəaliyyət göstərməlidir.
- Cari biznes vergi orqanında qeydiyyatdan keçmiş rəsmi sahibkarlıq subyekti olarsa mülkiyyətində heç bir əmlak olmamalıdır.
- Cari biznesdə faəliyyət rəsmi və ya qeyri rəsmi olmaqla 5 ildən çox olmamalıdır.
- Xidmət və ya məhsulların hesablanmış yekun qiyməti 1000 AZN'dan çox olmalıdır.
Hissəli ödənişlə bağlı müraciətlər 2023-cü ilin Yanvar ayından 4Tech tərkibində fəaliyyətə başlayan "4UP" komandası tərəfindən yoxlanılır. Müraciət təsdiqləndiyi halda təklif olunan hissəli ödənişin məbləği və hissəyə bölünəcək ayların limiti haqqında müraciətçiyə məlumat verilir.
Hissəli ödəniş zamanı xidmət və ya məhsul üçün hesablanan məbləğ təyin olunmuş aylara bölünür və ödəniş qrafiki müştəriyə təqdim olunur. Hissəli ödəniş əlavə kommissiya və ya faizlər ehtiva etmir və ümumi ödəniş məbləğinə heç bir təsir göstərmir.
Hissəli ödənişin şərtləri şirkət və sifarişçi arasında bağlanılan müqavilədə öz əksini tapır. Hissəli ödəniş prosedurunun bu saytda qeyd olunmayan tərəfləri Azərbaycan Respublikasının qanunvericiliyinə uyğun olaraq tənzimlənir.
Hissəli ödəniş müraciət qaydası
Sifarişçi 4Tech.az saytında yerləşdirilmiş və ya Client.4Tech.az'da olan şəxsi kabinetdə təklif olunan hər hansı bir xidmət və ya məhsulla maraqlanırsa hissəli ödəniş üçün müraciət edə bilər. Bunun üçün həmin məhsulu normal qaydada sifariş etməlidir. Ödəniş zamanı ümumi məbləğ 1000 AZN'dan çox olarsa müştəri hissəli ödənişin mümkünlüyünün yoxlanılması üçün sorğu göndərə bilər.
